المشكلـة انـي لانسيتـك ذكرتـك
والعب على نفسي وانا اذكرك وانساك
قريـب منـك وابتعـد لاوصلـتـك
ابيك لكنّ بعـض الاحيـان ماابغـاك
اعرفك والله وانكـر انـي عرفتـك
واقنع خفوقي وانسى ماكـان ويـاك
شفتـك ولا ودي بهالحـال شفتـك
ودي اطول نظرتي وخافقـي ينصـاك
اسمع نـداك واقـول لا ماسمعتـك
اتجاهلـك والقلـب صـوت ونـاداك
اوصفك انا واقـول ابـد ماوصفتـك
واجمل قصيدي كاتبه فـي حلايـاك
احيان اقول انك زمـن مـر وقتـك
ويفز قلبـي لاطـروا يـوم ذكـراك
احاول انسـى لحظـة انـي ذكرتـك
واسلـي النفـس بحلـوم طـريـاك
ليست هناك تعليقات:
إرسال تعليق